Sifat so‘z turkumini o‘qitishda korpusga asoslangan ta’lim texnologiyasi

Abstract

Ushbu maqolada zamonaviy ta’lim usullaridan biri bo‘lgan korpusga asoslangan texnologiyasining bir qator afzalliklari o‘zbek tilining sifat so‘z turkumini o‘qitish misolida tahlil qilingan. Tadqiqot natijalari shuni ko‘rsatadiki, elektron korpusdan unumli foydalanib, o‘zbek tilini ikkinchi til yoki chet tili sifatida o‘qitish jarayonida o‘rganuvchilar uchun keng imkoniyatlar yaratadi hamda olingan bilimlar matndagi kontekstologik namunalar asosida yanada mustahkamlanadi. O‘quvchi til kompetensiyasini egallash uchun nazariy tasavvurga ega bo‘lishdan avval olingan obyektni jonli nutq tarkibida tahlil qilishi va shaxsiy munosabat bildirishi orqali egallagan bilimini mustahkamlab boradi. Tadqiqotimizning asosiy maqsadi tilni o‘rganish va o‘qitishda pedagogik qulay muhit yaratish uchun (o‘zbek tilidagi sifat so‘z turkumi misolida) korpus texnologiyasining afzalliklari va foydalanish usullarini tavsiya qilishdan iborat.